Ҳиндистон пойтахтидаги Индира Ганди номидаги халқаро аэропортда саккиз нафар Ўзбекистон фуқароси қўлга олинди. Бу ҳақда Ҳиндистон божхона департаменти хабар қилди.
Маълум қилинишича, улар 5,3 килограмм олтинни ноқонуний йўллар билан мамлакатга олиб киришга уринган.
"Божхоначилар багаж аравасининг орқа томонига маҳкамланган металл қутига яширилган 50 дона тилла занжирларни топиб, олиб қўйди. Топилган тилла тақинчоқларнинг умумий қиймати 351 минг долларга баҳоланмоқда. Ҳозирда тергов ҳаракатлари олиб борилмоқда", - дейилади хабарда.
