Иш кунингиз тиғиз. Тушлик қилишга аранг вақт топасиз. Аммо бу саломатлигингиз учун баҳона эмас-да. Ҳар куни 15 дақиқа вақт топиб, қуйидаги йога машқларини бажаринг. Машқлар учун ортиқча жисмоний ҳаракат талаб қилинмайди. Ихлос қилсангиз бўлгани.
- Қаддингизни тик тутинг. Ўтирган ҳолатда қўлларни юқорига кўтаринг-да, ҳудди гавдани юқорига чўзаётгандек ҳис этинг. Бу машқни икки-уч марта такрорлаш кифоя.
- Ўтирган ҳолатда қўлларни курак орқасида бирлаштиринг. Чуқур нафас олинг. Кўзларни юмиб олсангиз ҳам бўлади.
- Навбатдаги машқни иложи бўлса, дераза олдида бажарганингиз маъқул. Курсига суяниб, гавдани суратдаги каби кўринишга келтиринг. Сўнгра оёқларни ҳаракатлантирмай, гавдани олдинга чўзинг.
- Танангизни бўшаштиринг. Қўлларни стол устига қўйиб, бошни пастга энгаштирасиз. Бу ҳолатда кўзлар юмуқ бўлиши керак. Машқни 5 дақиқа давомида бажаринг.
- Курсига қулай жойлашиб олинг. Қўлларингиз билан курсини ушланг. Оёқларни олдинга текис чўзинг-да, 3 дақиқа давомида шу ҳолатни ушлаб туринг.
- Машқ якунида бошингизни курси устига қўйиб, 10 дақиқа дам олинг.
