Ўзбекистон Футбол ФедерациясинингFacebook ’даги саҳифаси маълумотига кўра, ўзбекистонлик Карина Мурадян Осиё Футбол Конфедерациясининг қитъада ҳакамликни ривожлантириш бўлимига бошлиқ этиб тайинланган, деб ёзади “Дарё”.
Карина Мурадян аввалроқ ЎФФ терма жамоалар марказининг халқаро бўлимида фаолият олиб борган. Кейинроқ эса БААнинг Тошкентдаги элчихонасида ишлаган.
“Касбдошимизни янги лавозим билан табриклаймиз ва янги ишида унга омад тилаймиз”, — деб ёзилган ЎФФ саҳифасида.
