Жорий йил 1 майдан “Ижтимоий ҳимоя ягона реестри”га киритилган жисмоний шахслар чакана савдо объектларидан 5 турдаги маҳсулотларни (қўй гўшти, парранда гўшти, мол гўшти, тухум ҳамда ўсимлик ёғи) сотиб олганда харид суммасидан 1% миқдордаги кешбек ўрнига, 12% ҚҚС (ижтимоий кешбек) суммасини қайтариб олади. Бу ҳақда Давлат солиқ қўмитаси хабар берди.
Айни пайтгача 84 714 нафар истеъмолчига 3 млрд 652 млн сўмдан ортиқ ижтимоий кешбек тўлаб берилди.
Хусусан:
- Май ойи учун 22 159 нафар фуқарога 1,1 млрд сўм;
- Июн ойи учун 30 613 нафар фуқарога 1,3 млрд сўм;
- Июл ойи учун 31 942 нафар фуқарога 1,2 млрд сўм.
Август ойи чеклари учун кешбек сентябр ойининг 25-санасидан сўнг тасдиқланади.
Кешбек олиш учун Soliq мобил иловасида харид чекининг ҚР-кодини сканер қилиш лозим.
