Joriy yil 1 maydan “Ijtimoiy himoya yagona reestri”ga kiritilgan jismoniy shaxslar chakana savdo ob`ektlaridan 5 turdagi mahsulotlarni (qo`y go`shti, parranda go`shti, mol go`shti, tuxum hamda o`simlik yog`i) sotib olganda xarid summasidan 1% miqdordagi keshbek o`rniga, 12% QQS (ijtimoiy keshbek) summasini qaytarib oladi. Bu haqda Davlat soliq qo`mitasi xabar berdi.
Ayni paytgacha 84 714 nafar iste`molchiga 3 mlrd 652 mln so`mdan ortiq ijtimoiy keshbek to`lab berildi.
Xususan:
- May oyi uchun 22 159 nafar fuqaroga 1,1 mlrd so`m;
- Iyun oyi uchun 30 613 nafar fuqaroga 1,3 mlrd so`m;
- Iyul oyi uchun 31 942 nafar fuqaroga 1,2 mlrd so`m.
Avgust oyi cheklari uchun keshbek sentyabr oyining 25-sanasidan so`ng tasdiqlanadi.
Keshbek olish uchun Soliq mobil ilovasida xarid chekining QR-kodini skaner qilish lozim.
