Исроил қуруқлик кучлари Ғазога яқинлашди. Танклар билан мустаҳкамланган пиёда аскарлари шаҳар чеккасида разведка рейдларини ўтказмоқда.
Маълум қилинишича, зирҳли техника анклав шимолини жануб билан боғлайдиган асосий магистрални тўсиб қўйган. Бу аҳолини эвакуация қилиш учун мос келадиган ягона йўл.
Исроил бош вазири ХАМАС билан урушнинг учинчи босқичи бошланганини эълон қилди. Вазирлар Кенгаши йиғилишида Бенямин Нетаньяху шундай тушунтирди: "_Биринчи босқич тўсиш эди, иккинчиси ҳаво ҳужумлари эди ва энди қуруқликдан олдинга силжиш босқичи келди".
Айни пайтда Исроил армияси секторнинг шимолий қисмида ҳаво ҳужумларини давом эттирмоқда. Жанубда - Рафаҳда ҳам нишонлар урилди. Исроил аввалроқ эвакуация қилишни буюрган шифохоналар яқинида портлашлар янгради, аҳволи оғир бўлган беморларнинг кўплиги сабабли шифокорлар буни рад этишди. Минглаб фаластинликлар ҳам тиббиёт муассасаларида бошпана қилишмоқда.
Эслатиб ўтамиз, аввалроқ Save the Children ташкилоти Исроилнинг қуруқликда бошлаган амалиёти кўпроқ ўлим, жароҳатлар ва азоб-уқубатларга олиб келиши ҳақида огоҳлантирди. Айни пайтда Ғазода атиги уч ҳафтада қурбон бўлган болалар сони сўнгги уч йилда қуролли можароларда ўлган болалар сонидан ошиб кетди.
