22 декабрь куни кечқурун Олмаотада йўловчи транспорти иштирокида йирик ЙТҲ содир бўлди. Назоратдан чиқиб кетган автобус жамоат транспорти бекатида тўпланган одамларга бориб урилган.
“Соат 18:15 да 47-йўналишдаги автобус йўловчиси можаро натижасида ҳушини йўқотган ва машина бошқарувини йўқотган ҳайдовчи аёлни уриб юборди”, — дея полиция баёнотидан иқтибос келтирган маҳаллий ОАВ.
Дастлабки маълумотларга кўра, тез ёрдам етиб келгунига қадар уч киши вафот этган, яна тўрт киши шифохонага етказилган. Жабрланганлар орасида вояга етмаган ҳам бор – 14 ёшли бола оёғидан жароҳат олиб, касалхонага ётқизилган.
Гувоҳларнинг хабар беришича, автобус яна бир нечта машина ва микроавтобусни уриб юборган. Машиналар воқеа жойидан олинган кадрларда кўринади.
Ҳозирда ҳалокат жойи ўраб олинган. Шунингдек, полиция ҳайдовчи аёлни уриб юборган йўловчини қўлга олгани хабар қилинган.
