Мадриднинг “Реал” жамоаси форварди Гарет Бэйл “Барселона”га қарши Ла Лига 14-турида майдонга туша олмаслиги мумкин, дея хабар бермоқда Sky Sports портали.
27 ёшли футболчи “Спортинг”га қарши (2:1) ЕЧЛ 5-тур ўйинининг 58-дақиқасида майдонни тарк этганди. Учрашувдан сўнг уэльслик футболчининг ўнг оёғи шикастлангани аниқланди. У операция қилиниши ҳам мумкин.
Гарет Бэйлнинг сафга қайтиш муддати номаълум. Шу сабабли, катта эҳтимол билан у 4 декабрь куни бўлиб ўтадиган “Эль-Класико”ни ўтказиб юборади.
