Россияда ота-онаси томонидан қаровсиз ёки назоратсиз қолдириб кетилган 7 нафар вояга етмаган бола Ўзбекистонга қайтарилди. Бу ҳақда Ташқи меҳнат миграцияси агентлиги хабар бермоқда.
Болалар Россияда “Вояга етмаганларга ижтимоий-ҳуқуқий ёрдам кўрсатиш марказлари”да сақланаётган бўлган.
Федерациянинг ваколатли ташкилотлари вакиллари билан олиб борилган музокаралар натижасида болаларни ватанга қайтаришга эришилган.
Ҳозирги вақтда болалар тегишли марказга жойлаштирилган ва кейинроқ ота-онаси ёки уларнинг ўрнини босувчи шахсларга топширилади.
