Маълумотларни “Талабалар турар жойи ахборот тизими"га юклаш ишлари якунланди. Бу ҳақда Олий таълим, фан ва инновациялар вазирлиги матбуот хизматининг хабар бермоқда.
Эндиликда, 1-курс талабалари давлат ОТМларининг ётоқхоналарига жойлашиш учун Давлат хизматлари маркази ёки Ягона портал орқали ариза юборишлари мумкин.
Тегишли регламентга мувофиқ дастлаб имтиёз ва устуворликларга эга талабгорлар ётоқхонага қабул қилинади. Шундан сўнг, умумий рўйхатдаги талабалар учун ётоқхонада ортиб қолган ўринлар сонига нисбатан навбат асосида тақсимланади. Бунда 1-курс талабалари учун ётоқхоналар 55−65%гача ажратилиши керак.
Аризани кўриб чиқишда айрим тоифага кирувчи талабаларга устуворлик берилади. Хусусан, “Меҳрибонлик уйлари” тарбияланувчилари, реестрга кирувчи оилалар ва ёшлар, ногиронлиги бўлган талабалар, “Йил талабаси” танлови ғолиблари ва бошқалар шулар жумласидан.
