Футбол бўйича Ўзбекистон миллий терма жамоасининг жаҳон чемпионати доирасида Португалияга қарши ўйини муносабати билан Тошкент метрополитени иш режимига ўзгартиш киритилади.
Маълум қилинишича, 24 июнь куни метро поездлари йўловчиларга тунги соат 01:00 гача хизмат кўрсатади.
Қайд этилишича, мазкур қарор футбол мухлисларининг ўйиндан сўнг уйларига қулай ва хавфсиз етиб боришини таъминлаш мақсадида қабул қилинган.
Шу тариқа, пойтахт метроси одатдагидан бир соат кўпроқ фаолият юритиб, йўловчиларга қўшимча қулайлик яратади.
