Маълум қилинишича, вилоят иқтисодий суди судьяси Э.С. ўз иш юритувида бўлган ишни кассация инстанциясида муайян МЧЖ фойдасига ҳал қилиб бериш эвазига 3 600 АҚШ доллари олганликда гумон қилинмоқда.
Ҳуқуқни муҳофаза қилувчи органлар томонидан ўтказилган тезкор тадбирда у пора пуллари билан ушлангани қайд этилган.
Олий суд томонидан суд тизимида коррупцияга қарши курашиш, уни нопок кадрлардан тозалаш борасида изчил ишлар олиб борилаётгани таъкидланди.
Шунингдек, бундай ҳолатларнинг олдини олиш ва қонунбузарларга нисбатан қатъий чоралар кўришга алоҳида эътибор қаратилмоқда.
