Наманган вилоятидаги 4 та АЁҚШда автобензин давлат стандарт талабларига мос келмаслик ҳолати аниқланди. Бу ҳақда "Ўзэнергоинспекция" матбуот хизмати хабар қилди.
Вазирлар Маҳкамаси ҳузуридаги “Ўзэнергоинспекция” ва Рақобатни ривожлантириш ва истеъмолчилар ҳуқуқларини ҳимоя қилиш қўмитаси ҳамкорлигида Наманган вилоятида ўтказилган назорат тадбирларида АЁҚШларда қоидабузарлик ҳолатлари аниқланмоқда.
Хусусан, Наманган туманида жойлашган "Э.П." ва “Х-2000” МЧЖларга қарашли 2 та автомобилларга ёқилғи қуйиш шохобчасида сотилаётган автобензиндан намуна олиниб, лаборатория таҳлилларидан ўтказилганда АИ-92-маркали автобензин давлат стандарт талабларига мос келмаслиги (сифациз) аниқланди.
Бу каби ҳолат Наманган шаҳридаги “В.А.” МЧЖ ҳамда Чортоқ туманидаги "Ғ.Ҳ." МЧЖларга қарашли АЁҚШларда ҳам нефт маҳсулоти сифациз эканлиги маълум бўлди.
Мазкур ҳолатлар юзасидан қоидабузарликка йўл қўйган ушбу АЁҚШларда камчиликлар бартараф этилгунга қадар биржа савдоларида иштирок этиши вақтинча тўхтатилди.
