Тошкент шаҳрида 5 та автомобиль иштирокида йўл-транспорт ҳодисаси содир бўлди. Бу ҳақда Тошкент шаҳар ИИББ ЙҲХБ ахборот хизмати хабар берди.
2024 йилнинг 31 декабрь куни тахминан соат 19:15 ларда Юнусобод тумани Амир Темур кўчасида бир тасмада кетаётган 5 та автомобиль — BMW, Lacetti, Cobalt, Matiz ва Spark ўзаро тўқнашуви оқибатида йўл-транспорт ҳодисаси юз берди.
ЙТҲ оқибатида тан жароҳат олганлар ҳақида хабар келиб тушмаган.
Ҳолат юзасидан Тошкент шаҳри ИИББ ЙҲХБ масъул ходимлари томонидан суриштирув ишлари бошланган.
