Украина 2025 йил 1 январда расман Халқаро жиноий суднинг 125-мамлакатига айланди. Бу ҳақда ХЖС вакили Фади ал-Абдалла маълум қилди.
Мамлакат ҳозирда ушбу халқаро шартноманинг тўлақонли иштирокчиси бўлиб, иштирокчи-давлатларга юкланган барча ҳуқуқ ва мажбуриятларга эга. Улардан энг муҳими бюджетни тасдиқлашда, Рим статутига ўзгартиришлар, қўшимчалар киритишда, судьялар, бўлажак прокурор ва унинг ўринбосарларини танлашда овоз бериш ҳуқуқидир, бу маълум даражада халқаро жиноят ҳуқуқининг келажагини шакллантиришга ёрдам беради.
