Ижтимоий тармоқларда "Энди радардан келган штрафни битта телефон орқали ўчиртирса бўлади" номли видеохабар тарқалмоқда.
ИИВ ЙҲХХБнинг маълум қилишича, ушбу хабар мутлақо ҳақиқатга тўғри келмайди.
Тошкент шаҳар ЙҲХБ Эксплуатация-монтаж бўлими диспетчерлик хизматининг 71 294 29 82 телефон рақами фуқароларга ишламаётган светофорлар, ўчиб кетган (нотўғри чизилган) йўл чизиқлари, тўсилиб қолган (нотўғри ўрнатилган) йўл белгилари сингари йўлдаги камчиликларга дуч келган тақдирда мурожаат қилишлари учун жорий этилган.
"Ижтимоий тармоқлардаги журналист ва блогерлар шунингдек, телеграм канал админларидан асослантирилмаган ёлғон хабарлар билан тармоқ фойдаланувчиларини чалғитмасликларини сўраймиз", - дейилади хабарда.
