Калифорния штатининг жанубида ўрмон ёнғинлари сабаб минглаб бинолар ёниб кетди, 120 минг уй ва корхона электр таъминотисиз қолди.
Кучли шамоллари туфайли авиация ёнғинни ўчиришда иштирок эта олмаяпти. Шунингдек, Камала Ҳарриснинг қароргоҳи ҳам эвакуация зонасига киритилгани хабар қилинмоқда.
Лос-Анжелесда ҳозирга қадар 5 киши ҳалок бўлди, ўнлаб кишилар жароҳатланди.
Президент Байден Лос-Анжелесда кучли ёнғинларга қарши чораларни қўллаб-қувватлаш учун Фавқулодда ҳолат декларациясини тасдиқлади
Декларацияда федерал ёрдам маблағлари ҳақида гап борган. Бу маблағлар давлат ва маҳаллий ҳукуматга фавқулодда вазиятларда зарур харажатларни қоплашга ёрдам беради. Шунингдек, ҳужжатда жабрланган фуқаролар учун индивидуал ёрдам дастурлари мавжуд бўлиб, улар вақтинча тураржой ва вайрон бўлган мулк учун молиявий ёрдамни ўз ичига олади.
