Наманган вилоятидаги банклардан бирининг бош юрисконсульти хизмат мавқеидан фойдаланиб, ноқонуний даромад орттиришга урингани фош этилди. У 2021 йилда 16,2 млрд сўм кредит олган, бироқ қарзни ўз вақтида қайтара олмаган хусусий клиника мулкларини аукцион савдоларига чиқаришни 5–6 ойга кечиктириб туриш ҳамда кейинчалик уларни қайтариб бериш масаласини ҳал қилиш эвазига 3 минг АҚШ доллари талаб қилган.
Давлат хавфсизлик хизмати ва Иқтисодий жиноятларга қарши курашиш департаменти ҳамкорлигида ўтказилган тезкор тадбир давомида у сўралган пулни олаётган вақтида ашёвий далиллар билан қўлга олинган.
