ҲАМАС Исроил шартларни бузгани сабабли асирларни озод қилишни кечиктирди.
Ҳаракат матбуот котиби Абу Убайданинг маълум қилишича, Исроил келишилган шартларга риоя қилмагани сабабли асирларни озод қилиш жараёни кечиктирилди. ҲАМАС ўз мажбуриятларига содиқ қолишини ва Исроил ўз шартномавий мажбуриятларини бажарган тақдирда асирлар озод этилишини таъкидлади.
Бунга жавобан, Исроил Мудофаа вазири Исраэл Кац, агар ҲАМАС бу тарзда давом этса оташкесим шартлари бузилган деб ҳисоблаб, жанговор ҳаракатларни яна бошлаши мумкинлиги билдирди.
АҚШ президенти Дональд Трамп эса ҲАМАСга ултиматум қўйиб, агар шанба куни тушга қадар барча исроиллик гаровга олинганлар озод қилинмаса, Ғазода ўт очишни тўхтатиш шартномаси бекор қилинишини айтди. У, шунингдек, исроиллик асирларга нимадир бўлса, жаҳаннам бошланишини қўшимча қилган.
Абдуллоҳ Саййид
