Германиялик 19 ёшли Ёханнес фон Баумбах энг ёш миллиардер деб эълон қилинди. Бу ҳақда “Zamon.uz” нашри маълум қилди.
Қайд этилишича, Баумбах Германиянинг “Boehringer Ingelheim” фармацевтика компанияси меросхўрларидан бири бўлиб, унинг бойлиги 5,4 миллиард доллар деб баҳоланган.
“Forbes” рўйхатининг энг бой одами Tesla ва SpaceX асосчиси Илон Маск бўлиб, унинг бойлиги 342 миллиард долларни ташкил этади.
Шунингдек, бу йил Forbes рўйхатига 3028 миллиардер киритилди, улардан 288 нафари янги. Улар орасида актёр Арнолд Швартсенеггер ҳам бор, унинг бойлиги 1,1 миллиард долларга етди.
Рўйхатда энг кекса миллиардер 103 ёшли Жорж Жозеф бўлиб, унинг бойлиги 1,9 миллиард долларни ташкил этади. Аёллар орасида Walmart меросхўри Элис Уолтон энг бадавлат аёл сифатида қайд этилган — унинг бойлиги 101 миллиард доллар.
