Уларнинг “AI 2027” деб номланган таҳлилий ишида келтирилишича, бир неча йил ичида ишлаб чиқувчилар умумий сунъий интеллект (AGI) яратиш даражасига етиб бориши мумкин. Бу эса — сунъий интеллект нафақат муайян вазифаларни бажариши, балки инсондек мустақил фикрлай олиши демакдир.
Энг хавотирли сценарийга кўра, 2030 йилга келиб “AGI” o‘z имкониятларини янада кенгайтиради ва “суперинтеллект”га айланади. Бу сунъий ақл энг зукко инсонлардан ҳам устун бўлади.
Тадқиқотчиларнинг фикрича, агар бундай сунъий интеллектга вақтида чекловлар ўрнатилмаса, у инсониятни таҳдид сифатида кўриб, йўқ қилишга ҳаракат қилиши мумкин.
“AI Futures Project” бу борада жиддий хавфларни тилга олган бўлса-да, “Meduza” нашри мазкур таҳлил асосида ушбу сценарийнинг реал эҳтимолини ўрганиб чиқди.
Мутахассислар бу прогнозларни “илмий фантастикага яқин, бироқ инкор қилиб бўлмайдиган эҳтимол” деб баҳоламоқда. Ҳозирча AGI ҳали мавжуд эмас, бироқ бу соҳадаги суръат жуда тез бўлгани учун, хавфсизлик чораларини бугундан кўриб чиқиш лозимлиги таъкидланмоқда.
Ҳозирча инсониятга тўғридан-тўғри хавф йўқ, бироқ келажакдаги эҳтимолий таҳдидлар инобатга олинмаса, 2030-йилги фожиавий сценарий ҳақиқатга айланиши мумкин. Шу сабабли, сунъий интеллект ривожига доир назорат ва тартибга солиш чоралари долзарб масалага айланмоқда.
