Германиянинг “Дуисбург”шаҳридаги ҳайвонот боғида илк бор кўзойнакли пингвин жўжаси тухумдан чиқди. Бу ҳақда “Радио Duisburg” хабар берди.
38 кун давомида тухумни навбатма-навбат она ва ота пингвин иссиқликда ушлаб ётди. Улардан бири тухум устида ётса, иккинчиси сузиб юриб овқат излаган.
Янги туғилган жўжа дастлаб 100 грамм атрофида бўлган бўлса, ҳозир оғирлиги 1,4 килограммгача етган.
Мутахассисларнинг айтишича, жўжани энди биринчи марта тукларини янгилаш – яъни “линийка”жараёни кутмоқда. Унинг дастлабки юмшоқ туклари тўкилиб, ўрнига ёғли қатлам билан ҳимояланган патлар чиқади. Шундан сўнг у сузишга тайёр бўлади.
Маълумот учун, кўзойнакли пингвинлар ҳозирда йўқолиб кетиш арафасида. 2023-йилги ҳисоб-китобларга кўра, ёввойи табиатда атиги 10 минг жуфтга яқин қуш қолган холос. Мутахассислар агар вазият ўзгармаса, бу тур 2035 йилгача бутунлай йўқолиб кетиши мумкинлигини айтмоқда.
“Duisburg”даги ҳайвонот боғи бу асраш бўйича бир неча йилдан бери Жанубий Африкадаги ташкилотлар билан ҳамкорлик қилиб келмоқда. Улар пингвинлар уй қурадиган жойларни кузатади, етим қолган тухумлардан жўжалар очириб, уларни ҳимояланган станцияларда парваришлайди. Бу орқали минглаб пингвинлар яна ёввойи табиатга қайтарилган.
