AZAL авиакомпаниясига қарашли Embraer 190 самолётига ракета зарбаси берилган пайтда навбатчилик қилган россиялик ҳарбийлар аниқлангани ҳақида Минвал Политика ёзмоқда.
Маълумотга кўра, бу вақтда ПВОнинг 51-дивизияси штурмани капитан Дмитрий Пудовкин, Жанубий ҳарбий округ штаби навбатчиси подполковник Владимир Яновский ва 4-гвардия ҳаво-десант қўшинлари қўмондонлик пункти навбатчиси полковник Геннадий Эременко хизматда бўлган.
22 июль куни Минвал генерал-майор Александр Толопило “номаълум ҳаво нишони”га зарба бериш буйруғини берганини ёзди. Унинг буйруғи подполковник Николай Орлянский орқали Пудовкинга етказилган.
2024 йил 25 декабрда Боку–Грозни рейси J28243 самолёти Орол денгизи яқинида, Қозоғистоннинг Актау шаҳри ёнида мажбурий қўнишда қулаган ва 38 киши ҳалок бўлган эди. Қозоғистон Транспорт вазирлигининг ҳисоботида самолёт “ташқи объектлар” таъсирида зарар кўргани айтилган.
Воқеа Россия ва Озарбайжон ўртасида дипломатик инқирозга олиб келган. Президент Илҳом Алиев 19 июль куни Боку халқаро судга даъво тайёрлаётганини билдирган.
