Швецияда бугунги кунда эркакларнинг бор-йўғи 5 фоизи чекади. Ўзбекистонда эса бу кўрсаткич 20 фоизга яқин — ҳар бешинчи эркак.
Яқинда эълон қилинган ҳисоботда таъкидланишича, муваффақият швед жамиятининг интизомида эмас, балки давлат сиёсатининг оқилона танловида бўлган.
Швеция ҳукумати тамаки маҳсулотларини тўлиқ тақиқлаш ўрнига, вейп, снюс, никотин қопчалари каби камроқ зарарли, қонуний, лекин қаттиқ назоратдаги альтернативаларни таклиф қилди.
Бу орқали ноқонуний савдонинг олди олинди, соғлиққа таъсир ва тиббий харажатлар камайди.
Ўзбекистонда эса никотин қопчалари тақиқланган, лекин ноқонуний бозор очиқ, вейпларни ҳам тақиқлаш режада, носвой эса бемалол сотилмоқда. Ҳар йили тахминан 30 минг нафар инсон чекиш сабабли ҳаётдан кўз юмаётгани қайд этилган.
Ҳисобот муаллифлари таъкидлаганидек, тақиқлаш осон, лекин бу назорат эмас — иллюзия.
Швеция эса зарарни камайтириш модели ишлаётганини намоён қилди.
