Shvetsiyada chekish darajasi 5%dan kam – muvaffaqiyatning siri nima?

Shvetsiyada bugungi kunda erkaklarning bor-yo‘g‘i 5 foizi chekadi. O‘zbekistonda esa bu ko‘rsatkich 20 foizga yaqin — har beshinchi erkak. Yaqinda e’lon qilingan hisobotda ta’kidlanishicha, muvaffaqiyat shved jamiyatining intizomida emas, balki davlat siyosatining oqilona tanlovida bo‘lgan. Shvetsiya hukumat tamaki mahsulotlarini to‘liq taqiqlash o‘rniga, veyp, snyus, nikotin qopchalari kabi kamroq zararli, qonuniy, lekin qattiq nazoratdagi alternativalarni taklif qildi. Bu orqali noqonuniy savdoning oldi olindi, sog‘liqqa ta’sir va tibbiy xarajatlar kamaydi. O‘zbekistonda esa nikotin qopchalari taqiqlangan, lekin noqonuniy bozor ochiq, veyplarni ham taqiqlash rejada, nosvoy esa bemalol sotilmoqda. Har yili taxminan 30 ming nafar inson chekish sababli hayotdan ko‘z yumayotgani qayd etilgan. Hisobot mualliflari ta’kidlaganidek, taqiqlash oson, lekin bu nazorat emas — illuziya. Shvetsiya esa zararni kamaytirish modeli ishlayotganini namoyon qildi.