Исроилнинг Ғарбий Соҳилда қурилиш режаларига қарши чиққан Лондон Фаластин масаласида қатъий позициясини билдирди.
Буюк Британия 2025 йил сентябрь ойида Фаластинни расман тан олиши кутилмоқда. Бу ҳақда Zamon.uz маълум қилди.
Қайд этилишича, Исроил расмийлари Лондоннинг илгари сурган шартларига тайёрлик кўрсатмаётгани сабабли, ҳукумат Фаластинни тан олиш қарорига яқинлашган.
Тахмин қилинишига, мазкур масала Буюк Британия ташқи ишлар вазири Давид Лемми томонидан 1 сентябрь куни Жамоалар палатасида сўзлаган нутқида ҳам ўз тасдиғини топади.
Сўнгги ойларда Лондоннинг Исроилга нисбатан сиёсий босими кучайгани кузатилмоқда. Жумладан, 21 август куни Буюк Британия Исроилнинг Иордан дарёсининг ғарбий соҳилида янги яҳудий турар-жойларини қуриш ниятини қоралаган эди. Шунингдек, 10 август куни Ғазо секторини босиб олиш режаларига қарши қатор санкциялар ишлаб чиқилаётгани маълум қилинган.
Мазкур чоралар жумласига Исроил мудофаа кучларининг (ИДФ) Буюк Британияда машғулот ўтказишини тақиқлаш ҳам кириши мумкин. Бундан ташқари, Ташқи ишлар вазирлиги Исроилни Ғазо устидан назорат ўрнатишга уринишларидан қайтаришга қаратилган чораларни кўриб чиқмоқда.
