Афғонистоннинг Кунар ва Нангарҳор вилоятларида содир бўлган кучли зилзила оқибатида камида 812 киши ҳалок бўлгани айтилмоқда. Расмий маълумотларга кўра, яна 2800 нафар одам жароҳатланган. “Толибон” маъмурияти халқаро ҳамжамиятдан шошилинч ёрдам сўрамоқда.
Reuters агентлиги хабар беришича, қутқарув ишлари тоғли ҳудудлар ва ёмғирли об-ҳаво сабаб мураккаб шароитда олиб борилмоқда. Айрим аҳоли пунктлари билан алоқа узилган, йўллар йўпилгани боис ёрдам ҳали ҳаммага етиб бормаган.
Толибон маъмурияти ва БМТ мутасаддилари қурбонлар сони яна ошиши мумкинлигини маълум қилган. Афғонистонга ҳозирча фақат Хитой ва Ҳиндистон томонидан амалий ёрдам ваъда қилинган. “Толибон” ҳукумати халқаро ёрдамчиларнинг суст фаолиятини танқид қилмоқда.
Бу — 2021 йилда “Толибон” ҳокимиятга келганидан бери юз берган учинчи йирик зилзила.
Мавжуд вазиятда молиявий ва техник ресурслари чекланган маъмурият халқаро ҳамжамиятдан фаолроқ кўмак сўрамоқда.
