Берлин мезбонлигида ўтказилган матбуот анжуманида Мерц бу масалани 4 сентябрь куни Парижда бўладиган “хоҳловчилар коалицияси” йиғилишида кўтаришини билдирди.
Швейцария президенти Карин Келлер-Зуттер эса мамлакати Женевада Путин ва Зеленский учрашувини ташкил этишга тайёрлигини маълум қилди.
Унинг сўзларига кўра, халқаро ташкилотлар штаб-квартиралари жойлашган Женева “мулоқот учун идеал шаҳар”.
Шу билан бирга, Келлер-Зуттер музокаралар ўтказилиши томонларнинг музокара столига ўтиришга тайёрлигига боғлиқ эканини таъкидлади.
