Қозоғистоннинг Туркистон вилоятида суд 35 ёшли Ўзбекистон фуқаросини вояга етмаган қизни зўрлаганликда айбдор деб топиб, умрбод озодликдан маҳрум қилиш жазосини тайинлади. Маҳаллий ОАВ маълумотига кўра, жиноят 2024-йил ўрталарида содир бўлган.
Суд ҳужжатларида қайд этилишича, эркак қурилиш ишлари учун Қозоғистонга келган ва Келес туманида яшовчи 14 ёшли қўшни қизга бир неча маротаба жинсий зўравонлик қилган.
Суд жараёнида у айбини тан олмаган, бироқ прокурор умрбод қамоқ жазосини талаб қилган ва бу талаб қаноатлантирилган.
Туркистон вилояти жиноят ишлари бўйича махсус суд ҳукмига кўра, у Қозоғистон ЖКнинг 120-моддаси 4-қисми (такрорий зўрлаш) билан айбдор деб топилди ва умрбод қамоқ жазосига ҳукм қилинди.
