Qozog‘istonnning Turkiston viloyatida sud 35 yoshli O‘zbekiston fuqarosini voyaga yetmagan qizni zo‘rlaganlikda aybdor deb topib, umrbod ozodlikdan mahrum qilish jazosini tayinladi. Mahalliy OAV ma’lumotiga ko‘ra, jinoyat 2024-yil o‘rtalarida sodir bo‘lgan.
Sud hujjatlarida qayd etilishicha, erkak qurilish ishlari uchun Qozog‘istonga kelgan va Keles tumanida yashovchi 14 yoshli qo‘shni qizga bir necha marta jinsiy zo‘ravonlik qilgan.
Sud jarayonida u aybini tan olmagan, biroq prokuror umrbod qamoq jazosini talab qilgan va bu talab qanoatlantirilgan.
Turkiston viloyati jinoyat ishlari bo‘yicha maxsus sud hukmiga ko‘ra, u Qozog‘iston JKning 120-moddasi 4-qismi (takroriy zo‘rlash) bilan aybdor deb topildi va umrbod qamoq jazosiga hukm qilindi.
