Олий Мажлисда берган ахборотида Коррупцияга қарши курашиш агентлиги раҳбари Акмал Бурхоновнинг айтишича, қонун кучга кирган 2024 йил декабрдан буён 9 ой ичида 407 нафар давлат хизматчиси манфаатлар тўқнашувига йўл қўйгани учун маъмурий жавобгарликка тортилган.
Қонун кучга киргунига қадар эса 213 та ҳолатда яқин қариндошларнинг бир-бирига бўйсуниб ишлаётгани, 1513 нафар ходимнинг эса хизмат билан бирга тадбиркорлик фаолияти билан шуғулланаётгани аниқланган.
Шунингдек, 2677 та норматив ҳужжат лойиҳаси коррупсиявий экспертизадан ўтказилиб, 455 тасида 1000 дан ортиқ коррупцияга оид омиллар аниқланган. Сўнгги 6 йил ичида эса 791 нафар шахс давлат харидларини ноқонуний амалга оширгани учун жиноий жавобгарликка тортилган.
Уларнинг аксарияти мактаб, мактабгача таълим, соғлиқни сақлаш ва маҳаллий ҳокимият органлари ходимлари бўлган.
