Словакия Президенти Петер Пеллегрини мамлакат конституциясида фақат икки жинс – эркак ва аёлни тан олишни мустаҳкамловчи тузатишларни имзолади. Бу ҳақда у ўзининг Facebook саҳифасида маълум қилди.
Маълум қилинишича, ушбу тузатишларни 150 депутатадан 90 нафари қўллаб-қувватлаган. Шу тариқа ҳужжат президент имзосига юборилган.
“Бугун мен конституцияга киритилган ва 90 депутат овози билан қабул қилинган тузатишларни имзоладим”, — дейди давлат раҳбари.
Маълумот учун, жорий йилнинг январь ойида Словакия Бош вазири Роберт Фисо мамлакат конституциясида фақат икки жинс – эркак ва аёлни тан олиш ҳақидаги қоидани мустаҳкамлаш режалари ҳақида гапирганди. Унга кўра, ҳеч ким ўзини “вертолёт, мушук ёки ит” деб эълон қилмаслиги керак.
