HAMAS ҳаракати АҚШ президенти Дональд Трамп таклиф этган Ғазо бўйича тинчлик режасига муносабат билдириб, унинг бир қатор бандларини қайта кўриб чиқишни талаб қилмоқда. Бу ҳақда Zamon.uz хабар берди.
ҲАМАС вакилларига кўра, улар асосий шарт сифатида ҳаракат аъзоларининг мажбурий қуролсизлантирилишини тўхтатиш, Исроил қўшинларининг ҳудуддан тўлиқ олиб чиқилишига халқаро кафолат бериш ва фаластинликлар хавфсизлигини таъминлашни талаб қилмоқда.
Гуруҳ ичида турли қарашлар мавжуд: айрим раҳбарлар оташкесимни бош шарт деб билиб, режани маъқуллашга мойил бўлган, бошқа қанот эса Ғазо устидан назоратни “қонунийлаштириш” ва “қаршилик ҳаракатини жиноят сифатида кўрсатиш”га қарши чиқмоқда.
30-сентябр куни ҲАМАС вакиллари Доҳада Туркия, Қатар ва Миср расмийлари билан музокара ўтказган. Якуний қарор 2−3 кун ичида қабул қилиниши кутилмоқда.
Эслатиб ўтамиз, 29 сентябрь куни Трамп ва Исроил Бош вазири Нетаняху Оқ уйда учрашиб, Ғазо бўйича 21 банддан иборат тинчлик режасини эълон қилган эди.
