Фаластиннинг ҲАМАС гуруҳи Дональд Трампнинг тинчлик режаси доирасида исроиллик гаровга олинганларни озод қилишга рози бўлганидан бир кун ўтиб, Исроил бош вазири бу бир неча кун ичида амалга ошишига ваъда берди. Бироқ кузатувчиларнинг қайд этишича, Хамас Трампнинг режасини тўлиқ қабул қилмаган ва Исроил шанба куни ҳам Ғазо секторига зарба беришда давом этган. Яқин Шарқдаги можарода ҳозир нима бўлмоқда?
Шанба куни кечқурун Нетаньяху исроилликларга мурожаат қилиб, гаровга олинганларни озод қилишнинг барча тафсилотларини келишиб олиш учун Мисрга музокаралар гуруҳини юбораётганини эълон қилди.
"Мен музокарачилар гуруҳига техник тафсилотларни якунлаш учун Мисрга боришни буюрдим. Бизнинг ниятимиз музокараларни бир неча кун билан чеклаш", - деди Исроил бош вазири.
Жума куни кечқурун ХАМАС Ғазо секторидаги барча исроиллик асирларни қайтариш, жумладан, тирик гаровга олинганларни озод қилиш ва ўликларнинг қолдиқларини қайтаришга рози бўлганини эълон қилди.
Маълумотларга кўра, қуролли гуруҳ ҳали ҳам Фаластин ҳудудида 48 кишини гаровда ушлаб турибди, улардан атиги 20 нафари тирик эканлиги тахмин қилинмоқда.
