Икки йил давом этган қонли уруш ва бомбардимонлардан сўнг Ғазо аҳолиси ниҳоят тинчлик умидини кўрди — улар ўт очиш тўхтатилиши ҳақидаги келишувни нишонлаш учун кўчаларга чиқди.
Тун бўлишига қарамасдан, минглаб одамлар шодлик билан рақсга тушиб, шиорлар айтди. Болалар ҳам катталарга қўшилиб, урушнинг тугагани ҳақидаги хабарни “байрам” сифатида қарши олди. Журналистлар жойдан репортажлар узатиб, айримлари устларидаги ҳарбий кийимларни ечиб ташлаган — бу эса жанглар сўнгги босқичга етганини англатди.
8 октябрь куни Дональд Трамп Исроил ва ҲАМАС ўртасида тинчлик режасининг биринчи босқичи бўйича келишувга эришилганини маълум қилди. Унга кўра, гаровдаги исроилликлар 13 октябрь куни озод этилади, Исроил эса қўшинларини келишилган чизиқ ортига олиб чиқади.
Музокаралар Мисрнинг Шарм-аш-Шайх шаҳрида Қатар, Миср ва Туркия воситачилигида ўтди. АҚШ эса Яқин Шарқ бўйича махсус вакиллари орқали жараёнда иштирок этди.
