Ўзбекистонда 2025 йил 1 январь ҳолатига кўра, 90 ёш ва ундан катта фуқаролар сони 18 915 нафарни ташкил этди. Уларнинг 66,3 фоизи аёллар, 34,6 фоизи эса эркаклардир.
“Оила ва гендер” илмий-тадқиқот институтининг маълумотига кўра, энг кўп узоқ умр кўрувчилар Фарғона (2582 нафар), Тошкент шаҳри (2155 нафар) ва Қашқадарё (2011 нафар) вилоятларида яшайди. Мутахассислар 2030 йилгача бу кўрсаткич икки баравар ошиб, 44 минг нафардан ортишини прогноз қилмоқда.
Узоқ умр кўришнинг асосий омили сифатида ижтимоий фаоллик тилга олинмоқда — сўровда қатнашганларнинг 76,3 фоизи фаол ҳаёт тарзи инсонни соғлом сақлашини таъкидлаган.
Фарғоналик 130 ёшли Ҳувайдо момо (1895 йилда туғилган) Ўзбекистондаги энг ёши улуғ фуқаро сифатида эътироф этилган. У ҳақда расмий туғилиш ёзуви мавжуд эмаслиги сабабли суд орқали туғилганлик фактини белгилаш жараёни амалга оширилган.
Ҳувайдо момо Гиннес рекордлар китобига киритилиши мумкинлиги айтилмоқда.
