Қирғизистоннинг Иссиқкўл вилоятида содир бўлган жиноят мамлакатда кенг муҳокамаларга сабаб бўлди. Аввалроқ 17 ёшли Ойсулув исмли қиз зўрлаб, кейин ўлдириб кетилганди. Ушбу жиноятда гумонланаётган 41 ёшли Қумарбек Абдиров қотиллик бўйича терговга батафсил изоҳ берди.
Унинг сўзларига кўра, у қизни аввал олма боғига, кейин отасининг уйига олиб бориб зўрлаган. Соат 15:30 да қизни бўғиб ўлдириб, жасадини машинасига жойлаштирган ва Кемин туманида ташлаб кетган.
Қизнинг қариндошлари унинг йўқолганини ўша куни кечқурун хабар қилишган. Абдиров пойтахт Бишкекда қўлга олинди.
Қирғизистон ИИВ маълумотига кўра, Абдиров аввал ҳам аёлларга нисбатан зўравонлик қилгани ва ўтмишдаги бир неча жиноятларда гумонланган. 2016 йилда одам ўлдиришга суиқасд, 2015 йилда аёлга ҳужум, 2006 йилда талончиликда айбланган. Шунга қарамай, у шартли равишда озодликка чиққан ва яна оғир жиноят содир этган.
Қозоғистон ва Қирғизистон жамоатчилиги Абдировнинг судланиши ва адолат қарор топишини талаб қилмоқда.
