Financial Times маълумотига кўра, АҚШ президенти Доналд Трамп Украина раҳбари Владимир Зеленскийга Донбассни Россияга топширишни маслаҳат берган ва “акс ҳолда Путин Украинани йўқ қилади”, деган.
Трамп ва Зеленский ўртасидаги учрашувда суҳбат кескин оҳангда кечган. Манбаларга кўра, Трамп Украинани Россия талабларига рози бўлишга ундаган ва бу “урушни тугатишнинг ягона йўли” эканини айтган.
Бунга қадар The Washington Post ҳам икки юқори мартабали манбага таяниб, Путин 16-октабрдаги Трамп билан суҳбатда Донетск вилояти устидан тўлиқ назоратни урушни тўхтатиш шарти сифатида қўйганини ёзган эди.
Путин бунинг эвазига Запороже ва Херсон вилоятларининг Россия босиб олмаган қисмларидан воз кечишга тайёрлигини билдирган.
