19 октябрь куни Тел-Авивда бўлиб ўтган шаҳар дербиси — “Ҳапоэл Тел-Авив” ва “Маккаби Тел-Авив” ўртасидаги ўйин мухлислар зўравонлиги туфайли бекор қилинди.
“Блоомфиэлд” стадионида юз берган оммавий тартибсизликлар давомида 100 дан ортиқ тутунли граната ва пиротехника воситаси отилган. Ўйиндан олдин ва давомида мухлислар ўртасида тўқнашувлар бўлган, 9 киши ҳибсга олинган, яна 16 нафари вақтинча ушланган.
Тартибсизликлар вақтида 3 нафар полициячи ва 12 нафар тинч аҳоли жароҳат олган. Майдон тутунга тўлиб кетгани боис, ҳакамлар ўйинни тўхтатган ва хавфсизлик нуқтаи назаридан умуман бекор қилишга қарор қилинган.
Исроил полицияси бу ҳолатни “футбол эмас, оммавий зўравонлик” дея баҳолади. Ташкилотчилар ва тартибот органларининг хатолари ортидан мухлислар ўртасидаги узоқ йиллик рақобат назоратдан чиққан.
