АҚШ собиқ президенти Дональд Трамп Колумбия раҳбари Густаво Петрони “ярамас ва қароқчи” деб атади. Бу ҳақда у 23 октябрь куни Оқ уйда журналистлар билан суҳбатда маълум қилди.
Трампнинг таъкидлашича, Колумбия “гиёҳванд моддалар ишлаб чиқариш маркази”га айланган ва мамлакатда кокаин миқдори кескин ошган.
“Колумбия – бу гиёҳванд моддалар уйи. Энди биз бу ҳолатга чидай олмаймиз”, — деди у.
Трамп, шунингдек, Венесуэлани ҳам АҚШга гиёҳванд моддалар етказиб беришда айблаб, Жанубий Америкадаги наркокартелларни “Ғарбий яримшарнинг ИШИДи” деб атади.
У АҚШда гиёҳванд моддалар савдосига алоқадор шахсларга нисбатан кескин чоралар кўришга ваъда берди.
