2025 йил 3 ноябрдан Chevrolet Cobalt автомобилларининг янги версиялари сотуви бошланади. Янги версиядаги автомобилларнинг кўргазма намуналари аллақачон дилерлик марказларига етказиб берилган бўлиб, мижозлар улар билан танишиб, харид қилиш тўғрисида қарор қабул қилишлари мумкин.
Chevrolet Cobalt автомобилларига бўлган юқори талаб ва мижозлардан келиб тушаётган кўплаб сўровларни инобатга олган ҳолда, шунингдек, ортиқча ажиотажнинг олдини олиш мақсадида, “УзАуто Motors” АЖ Chevrolet Cobalt автомобилларига контрактация жараёни онлайн тарзда амалга оширилишини маълум қилди. Онлайн шартнома тузиш жараёнида Chevrolet Cobalt автомобилларининг барча комплектациялари, шу жумладан иккита янги комплектация ҳам мавжуд.
2025 йил 3 ноябрь соат 10:00 дан бошлаб мижозларга Chevrolet Cobalt учун онлайн контрактация очилади ва uz.avtosavdo сайти орқали амалга оширишлари мумкин бўлади.
Шунингдек, 3 ноябрь куни барча Chevrolet дилерлик марказлари ёпилади ва “УзАуто Motors” савдо тизимидан узилади.
