2025 yil 3 noyabrdan Chevrolet Cobalt avtomobillarining yangi versiyalari sotuvi boshlanadi. Yangi versiyadagi avtomobillarning ko‘rgazma namunalari allaqachon dilerlik markazlariga yetkazib berilgan bo‘lib, mijozlar ular bilan tanishib, xarid qilish to‘g‘risida qaror qabul qilishlari mumkin.
Chevrolet Cobalt avtomobillariga bo‘lgan yuqori talab va mijozlardan kelib tushayotgan ko‘plab so‘rovlarni inobatga olgan holda, shuningdek, ortiqcha ajiotajning oldini olish maqsadida, “UzAuto Motors” AJ Chevrolet Cobalt avtomobillariga kontraktatsiya jarayoni onlayn tarzda amalga oshirilishini ma’lum qildi. Onlayn shartnoma tuzish jarayonida Chevrolet Cobalt avtomobillarining barcha komplektatsiyalari, shu jumladan ikkita yangi komplektatsiya ham mavjud.
2025 yil 3 noyabr soat 10:00 dan boshlab mijozlarga Chevrolet Cobalt uchun onlayn kontraktatsiya ochiladi va uz.avtosavdo sayti orqali amalga oshirishlari mumkin bo‘ladi.
Shuningdek, 3 noyabr kuni barcha Chevrolet dilerlik markazlari yopiladi va “UzAuto Motors” savdo tizimidan uziladi.
