Чиқиндиларни бошқариш ва циркуляр иқтисодиётни ривожлантириш агентлиги ҳузуридаги Чиқинди полигонларини бошқариш дирекцияси томонидан республика бўйлаб, қатор ҳудудларда чиқинди полигонларини қисқартириш билан боғлиқ ишлар олиб борилди. Бу ҳақда Чиқиндиларни бошқариш ва циркуляр иқтисодиётни ривожлантириш агентлиги хабар берди.
Маълум қилинишича, Ўзбекистонда 2024 йил ҳамда 2025 йилнинг ўтган даврида Қорақалпоғистон Республикаси, Андижон, Бухоро, Қашқадарё, Наманган, Самарқанд, Тошкент, Фарғона ва Хоразм вилоятларидаги жами 47 та маиший чиқинди полигони рекультивация қилинди ҳамда тупроқ қатламлари билан ёпиш ишлари амалга оширилди.
2024 йил ҳисоби қуйидагича:
Қорақалпоғистон Республикасида 1 та (11 гектар);Андижон вилоятида 6 та (14,90 га);
Бухоро вилоятида 1 та (0,50 га);
Қашқадарё вилоятида 5 та (19,15 га);
Наманган вилоятида 3 та (5,38 га);
Самарқанд вилоятида 1 та (2,40 га);
Тошкент вилоятида 3 та (9,58 га);
Фарғона вилоятида 6 та (17,11 га)
Хоразм вилоятида 1 та (1 га).
2025 йил бўйича рақамлар қуйидагича:
Республика миқёсида жами 18 та (81,68 гектар) қаттиқ маиший чиқинди полигонида рекультивация ва тупроқ қатлами билан ёпиш ишлари режалаштирилган бўлиб, айни пайтда уларда ишлар якунига етди.
Шу ўринда, жами 185 та (1446,04 гектар) қаттиқ маиший чиқинди полигонидан 47 тасида рекультивация қилиш ҳамда тупроқ қатламлари билан ёпиш ишлари амалга оширилган.
