Самарқанднинг Каттақўрғон туманида ДХХ ва Иқтисодий жиноятларга қарши курашиш департаменти ҳамкорлигида ўтказилган тезкор тадбирда ноқонуний олтин савдоси фош этилди.
Навоий ва Самарқанд вилоятларида яшовчи 3 нафар фуқаро 475 граммлик олтин қуймаларни 737 млн сўмга сотишга келишган пайтда ушланди.
Маълумотларга кўра, улар харидордан 500 млн сўмни олган вақтда ашёвий далиллар билан қўлга олинган. Экспертиза хулосасида олтин қуймаларнинг асиллик даражаси 994 бўлиб, умумий қиймати 740,4 млн сўм экани аниқланган.
Ҳозирда ушбу шахсларга нисбатан Жиноят кодексининг 177-моддаси 4-қисми “а” банди билан жиноят иши қўзғатилиб, тергов ҳаракатлари олиб борилмоқда.
Маълум қилинишича, гумонланаётганларнинг иккитаси муқаддам судланган, улардан бири айни пайтда ахлоқ тузатиш ишлари жазосини ўтаётган бўлган.
