Фарғона вилоятининг Бағдод туманида “Москвич” йўл-транспорт ҳодисасига учраб, иккига бўлиниб кетди. Ҳолат юзасидан вилоят ИИББ ЙҲХБ расмий маълумот берди.
Маълум қилинишича, ҳодиса 28 ноябрь куни соат 15:00 ларда Бағдод тумани “Чуваланчи” МФЙ ҳудудидан ўтган йўлда юз берган. Йўлнинг белгиланмаган қисмидан ортга қайрилишни амалга ошираётган “Москвич 412” автомобилига унинг ортидан ҳаракатланиб келаётган “Нексия-2” русумли автомобиль келиб урилиши натижасида йўл-транспорт ҳодисаси содир бўлган.
Йўл-транспорт ҳодисаси оқибатида транспорт воситалари жиддий шикастланган, хар иккала автомобиль ҳайдовчилари енгил тан жароҳати олган.
Ҳозир ушбу ҳолат юзасидан Бағдод тумани ИИБ ЙҲХГ томонидан терговга қадар текширув ҳаракатлари олиб борилмоқда, дейилади хабарда.
