ДХХ ва божхона ходимлари томонидан Юқори Чирчиқ тумани ҳамда Янгийўл шаҳрида “Алфа-ПВП” моддаси билан боғлиқ икки ҳолат фош этилди.
Тошкент шаҳрида яшовчи, муқаддам судланган шахс ва унинг шериги Юқори Чирчиқ туманидаги дала майдонидаги хуфия жойдан 2 кг 381 гр синтетик гиёҳвандлик воситасини олиб кетаётган вақтда қўлга олинди. Аниқланишича, ушбу моддалар Telegram орқали фаолият юритувчи интернет наркодўкон орқали Россиядан олиб келинган.
Янгийўл шаҳридаги ҳолатда эса тижорат банкларидан бирининг икки нафар ходими 485 гр “Алфа-ПВП”ни қабул қилиб, уни танишининг уйида сақлаб келаётгани маълум бўлди. Ҳар икки ҳолат бўйича жиноят ишлари қўзғатилиб, гумонланувчиларга нисбатан қамоқ эҳтиёт чораси қўлланди.
Маълум қилинишича, йилнинг биринчи чорагида ноқонуний айланмадан юз минглаб дозаларга тенг наркотик ва психотроп моддалар олиб ташланган.
