Миллий статистика қўмитасига кўра, 2025 йилнинг январь–октябрь ойларида қарийб 6,4 млн фуқаро туристик мақсадда хорижга сафар қилган — бу ўтган йилга нисбатан 1,3 млн нафарга кўп.
Ўн ойлик кўрсаткичларга мувофиқ, ўзбекистонликлар энг кўп Қирғизистон (2,8 млн) ва Қозоғистонга (1,2 млн) йўл олган.
Улардан кейин Тожикистон (1,1 млн), Россия (370,1 минг) ва Саудия Арабистони (237,1 минг) келади.
Шунингдек, Туркия, БАА, Миср, Хитой ва Вьетнам ҳам оммабоп йўналишлар қаторида. Бошқа давлатларга эса 204 мингдан ортиқ фуқаро сафар қилган.






