ИИВ маълумотига кўра, 2 декабрь куни “Тараққиёт” маҳалласида жойлашган “Bek Family Cafe” ошхонасида хавфсиз қоидаларига риоя қилинмагани натижасида 50 литрлик пропан газ баллонидан сизиб чиққан газ-портлаш содир бўлган. Ҳодиса оқибатида 29 нафар фуқаро куйиш тан жароҳатлари билан шифохонага ётқизилган, 3 киши эса вафот этган.
Айни вақтда беморларнинг бир қисми уйига жавоб берилган бўлса, қолганларига малакали тиббий ёрдам кўрсатилмоқда.
Мазкур ҳолат юзасидан Жиноят кодексининг бир нечта моддалари бўйича жиноят иши қўзғатилган. “Bek Family Cafe” МЧЖ мансабдор шахсларининг 3 нафари процессуал тартибда кам олинган. Аввалроқ фақат бир киши ҳибсга олингани ҳақида хабар берилганди.
Вазият президент топшириғи билан алоҳида назоратга олинган. 3 декабрь куни ҳукумат комиссияси тузилган, 4 декабрь куни президент Шавкат Мирзиёев шифохонада жароҳатланганлардан ҳол сўраган, вафот этганларнинг оилаларига моддий ёрдам кўрсатишни топширган. Қурбонлар оиласига 100 миллион сўмдан ё ажратилади.
