“Коммерсантъ” нашрининг хабар беришича, Даниил Касаткин 2025 йил июнь ойидан бери Францияда ҳибсда сақлаб келинган. У 2025 йил 21 июнда Шарль де Голль аэропортида АҚШ расмийларининг сўрови асосида вақтинчалик қўлга олинган ва кейинчалик экстрадиция масаласи кўриб чиқилган.
АҚШ томони Касаткинни киберфирибгарлик ишларига алоқадорликда гумон қилган. Айбловларга кўра, у товон тўлаш бўйича музокараларда хакерларга ёрдам берган. Бироқ спортчи ушбу айбловларни қатъиян рад этган.
Россия эса унинг эвазига 2024 йилда ҳибсга олинган Франция фуқароси, Швейцария гуманитар мулоқот маркази ходими Лоран Винатьени озод қилган. У Россияда чет эл агентлари тўғрисидаги қонунчиликни бузганликда айбланиб, уч йилга озодликдан маҳрум этилган эди. Тергов маълумотларига кўра, Винатье мамлакатдаги ҳарбий фаолият ва сафарбарликка оид маълумотлар тўплаган, судда эса ўз айбига иқрор бўлган.
Қайд этилишича, томонлар ўртасида асирлар ва ҳалок бўлган ҳарбийлар жасадларини алмашиш бўйича келишувлар 2025 йил июнь ойида Истанбулда бўлиб ўтган Россия–Украина музокаралари давомида ҳам муҳокама қилинган эди.
