“Бугун ярим тунда — 20 январь кунидан бошлаб 23 январь ярим тунгача уч кунлик расмий мотам эълон қилинади”, — деди ҳукумат раҳбари. Шунингдек, у фожиа сабабларини ўрганишда тўлиқ шаффофлик таъминланишини ваъда қилди.
18 январь куни Испанияда икки тезюрар поезд рельсдан чиқиб кетиши оқибатида камида 40 киши ҳалок бўлган. Сўнгги маълумотларга кўра, жабрланганлар сони 150 нафардан ошган.
Ҳалокат Кордоба вилоятидаги Адамус шаҳри яқинида, Мадриддан тахминан 360 километр жанубда содир бўлган. Мадриддан Уэльва шаҳрига ҳаракатланаётган 27 ёшли поезд машинисти ҳам ҳалок бўлган. Икки поездда жами 317 нафар йўловчи бўлгани қайд этилган.
Январь ойи сайёҳлик мавсуми ҳисобланмагани сабабли, поездда бўлган йўловчилар орасида неча нафар сайёҳ борлиги ҳозирча аниқ эмас.
